جدي بالسبعين عمره**** اوجدتي اشويه تزغره
********** بس طبع بيهم نحس***************
ساعة عركه اوساعه دهره *** اوعدنه يوميه عرس
المضه ماراح اذكره **** واكتفي اباول أمس
الحجي جايب جيس خضره *** لو عليه قامت الثوره
ليش بس رشاد جايب**** ليش ماجبت اكرفس؟؟؟
كلمه منه اوعشره منهه**** صار الصياح ابفلس
دفعته الحجيه دفعه ***** راح عالحايط ترس
اوظلت اتحومي عليه **** جنهه فك المفترس!!!
احاجيهه اتكلي افلت**** روح لا هم تنعلس؟؟؟؟؟
گامت اتهمبل علينه **** اوجدي ساكت ماله حس؟؟
من مشت گام ايتهدد ***** اليوم القنهه درس؟؟
گتله اسكت لاتسمعك **** رحمه للعباس اس
سمعته امنبعيد صاحت *** تره اجيك ابو الهلس؟؟؟؟؟؟
ضجت صارت عدي دوخه *** صعبه واحد جده بوخه
****** وانه حسبالي شرس**********
اتشوفه بالديوان يخطب*** خالس الوادم خلس؟
وره اشويه العركه بردت*** جدي راحلهه ينس
ايريد يتقرب عليهه **** اتگله ممنوع اللمس
عود هم جنس اللطيف*** اتبره من عدهه الجنس
انوب مدري اشگلهه ضحكت** والكلام اصبح همس!!!!
بسبسبس ********** بسبسبس
افتهمت بس كلمه وحده***** اتگله مشتهيه دبس ؟؟؟؟؟؟؟؟؟؟
هوه هم ماگال باطل *****) ركض جنه اوليد امس
راح موبس دبس جاب***** داطلي اوببسي اوجبس
اونستله اولفات عمبه*** اوجيس حب عين الشمس
وانه صار اسنين اطلبه**** ايصيح ماعدي فلس
اوجدتي مدري استخفت ***** مدري لگفت
ردت اليوم العرس*******
على كل احجايه تضحك*** واللبس غير اللبس
ضحكت اوشفت ابحلگهه*** لو ضرس لو نص ضرس
اوجدي يضحك گلي ابشرك*** صار مسموح اللمس
__________________
بغداد لاتتألمي
سيحررك الأبطال
أ
لا ليتَ العــراقٌ يعودٌ يومـاً
فأخبره بما فعل الغريــــــب
ليس عراقنا ما صرنا نراه
إيران باطنه ويحكمه الصليب
موضوع: شعر حزين جدا 
الجمعة مايو 18, 2007 12:38 pm