هذا الموت
هذا الموت
جسر للا نهاية أعليه كلنا أنفوت
هذا الموت
هاجس يبتدينا بلحظة التكوين
ويرافقنا العمر من غير ضجة وصوت
على جف المنايا مشردين أنام
ونركض على الدنيا ونبني بيها بيوت
ونتعافى ونذم بالخلكـَ هذا وذاك
وعلى غفلة وزركـَ جدامنا التابوت
حاضر وأربعينك بعد ما حلت
وروحك يالعزيز بروحنا أنشتدت
يالحاضر عزاك اتعزي المعزين
وتسكت الناعي العبرتة أحتدت
يا عصر الفواتح يا زمان الموت
كافي من الذبح مو ناس ما ظلت
ضاكَت كَاعنا من أكَبور فوكَـ أكَبور
وفوكـَ أكَبور أهلنا أكَبورنا أتعلت
كل يوم بهبية وكل صباح بضيج
مثل سف الحصير الزلم تتسلت
للشاعر عريان السيد خلف
__________________
قال رسول الله صلى الله عليه وسلم :-آية المنافق ثلاث.أذا حدثَّ كذب.وأذاوعدَّ أخلفَ وأذا أؤتمنَّ خان
صدقَ رسول الله صلى الله عليه وسلم
موضوع: هذا الموت ...نهاية لكل أنسان ...للشاعر عريان السيد خلف 
الأربعاء مايو 16, 2007 5:52 pm